चीज डोसा : recipes for breakfast
साहित्य :-
१) अर्धी वाटी उडीद डाळ
२) दोन वाटया तांदूळ
३) एक वाटी किसलेलं चीज
४) एक चमचा लाल सुक्या मिरचीचा चुरा
५) एक काळी मिरी जाडसर कुटून
६) चवीनुसार मीठ .
कृती :-
१) डाळ व तांदूळ कमीतकमी सात-आठ तास एकत्र भिजत घालावं .
२) गुळगुळीत वाटून घ्यावं . इडलीच्या पिठापेक्षा हे पीठ थोडं पातळ असलं तरी चालेल .
३) थोडं मीठ घालून , झाकून उबदार जागी फुगत ठेवावं . सकाळी पीठ फुगलं की चांगलं ढवळून घ्यावं .
४) डोसा करतेवेळी पीठ पळीनं घोटून घ्यायचं . गरज वाटल्यास थोडं पाणी घालायचं . एका वाटीत तेल आणि दुसऱ्या वाटीत पाणी तयार ठेवायचं .
५) बीडचा तवा असेल तर तो तापल्यावर पेपर नैपकिनला तेल लावून तवा पुसून घ्यायचा . मग तवा पुरेसा तापला , की नाही हे बघण्यासाठी त्यावर पाणी शिंपडायचं . गैस मात्र मोठाच हवा .
६) पाणी झटकन वाफ होऊन नाहीस झालं , की एक डावभर पीठ मध्यभागी ओतायचं आणि डावाच्या तळानं किंवा वाटीच्या तळानं पीठ भराभर गोलाकार पसरायचं .
७) ही कृती सवयीनं भराभर करता येते . बाजूनं तेल सोडायचं . डोसा कुरकुरीत होतो . दुसऱ्या बाजूनं करायची गरज नाही . त्यानंतर प्रत्येक वेळी पाणी शिंपडायचं , पाणी नाहीस झालं की पीठ पसरायचं आणि तेल सोडायचं .
८) तव्यावर डोसा होत आल्यावर चीज पसरावं . वर मिरपूड आणि मिरची पेरावी .
RELATED POSTS
marathi recipes for breakfast
breakfast recipes in marathi
recipes for breakfast
indian breakfast recipes
breakfast recipes
south indian breakfast recipes
maharashtrian breakfast recipes in marathi
breakfast recipes indian
indian recipes for breakfast
healthy breakfast recipes