साहित्य :-

1. चार वाटया बारीक रवा
2. फोडणीसाठी एक मोठा चमचा तेल
3. अर्धा चमचा जिरं
4. मोहरी , हिंग
5. एक चमचा उडीद डाळ
6. सात-आठ कढीलिंबाची पानं बारीक चिरून
7. हवं असल्यास हिरव्या मिरचीचे बारीक तुकडे
8. एक चमचा आल्याचे बारीक चिरलेले तुकडे
9. दोन चमचे फ्रुटसॉल्ट
10. दोन चमचे मीठ .  

कृती :-

1. एका मोठया रुमालात रव्याची पुरचुंडी बांधून ती एखादया ताटलीवर ठेवून कुकरमध्ये कोरडीच वाफवावी .  
2. गार झाल्यावर रवा मोकळा करून घ्यावा .  तेलाची फोडणी करून त्यात   मिरच्या , कढीलिंब , उडदाची डाळ , आल्याचे तुकडे घालून परतावे आणि      ती फोडणी , मीठ , फ्रुट सॉल्ट घालून मिश्रण चांगलं कालवावं .  डब्यात    भरून ठेवावं .  
3. इडली करायच्या वेळी कुकरमध्ये पाणी उकळायला ठेवावं .  इडलीपात्राच्या वाट्यांना तेलाचा हात लावू नये .  
4. एक वाटी मिश्रण , एक वाटी आंबट दही भराभर फेसून एकत्र करावं आणि इडलीपात्रात घालून इडल्या उकडाव्या .  
5. सहा-सात इडल्या होतात .  इडलीपत्राऐवजी एखादया पसरट लंगडीला तेलाचा  हात लावून त्यात पीठ ओतलं तरी नंतर ढोकळ्यासारख्या वडया पाडता येतात .  याच पिठात थोडं ताक घालून भिजवून उत्तप्पा करता येईल .